Дознаваме: Богатинов и наредната сезона во Етникос Ахна!

facebook.com/martin.bogatinov

Богатинов ексклузивно за „Слободен печат“ изјави дека имал понуди и од други кипарски клубови, но останува верен на Етникос.

– Да, останувам и наредната сезона во Етникос Ахна. Имав понуди од други клубови и минатата година кога клубот беше во втората кипарска лига, тогаш одлучив да останам и помогнам во борбата за враќање во првата лига. Таа цел ја остваривме, така што нема смисла да ја менувам средината – ни изјави Богатинов.

Во минатата натпреварувачка сезона 2018/19 Етникос Ахна го освои првото место во втората кипарска лига со 71 бод.

– Сега имав понуди од неколку кипарски клубови, но себеси се гледам во Етникос. Четири сезони сум тука, така што ќе продолжам и во наредната сезона 2019/20 – додаде голманот Богатинов.

Своевремено настапуваше за Силекс, Цементарница, Вардар, Тетекс, Работнички, Карпати Лвив и Ермис Арадипу, а секако има и мечеви за најдобрата македонска репрезентација.

Видео на денот