Претседателот на Светската антидопинг агенција (ВАРДА)) Витолд Банка предупреди дека и покрај пандемијата на коронавирусот никој нема да помине неказнето доколку користи недозволени средства.

– Тестирањата не ни се единствено оружје кое го имаме. На располагање ни се различни методи како што се биолошките пасоши и уште неколку други методи. Иако моменто не сме во состојба да да правиме ненајавени контроли, спортистите и понатаму имаат обврска да ни даваат податоци за тоа каде се наоѓаат и што прават. ВАДА и во овие тешки моменти ќе направи се за спортот да остане чист – изјави Банка.

Реакцијата на првиот човек на ВАДА доаѓа откако Канада и Русија објавија дека привремено ги прекинуваат тестирањата на своите спортисти, додека Велика Британија значително го намали бројот на тестирања.