Донесена уредба со која се крати приправничкиот стаж на полицаец – приправник од шест на пет месеци
Уредбата е донесена заради прогласената вонредна состојба во државава која наложува ангажирање на целокупниот капацитет на организациските единици во рамки на МВР, вклучително и полицајците – приправници.
За зајакнување на капацитетот на Министерството за внатрешни работи Владата донесе уредба со која траењето на приправничкиот стаж на полицаец – приправник се скратува од шест на пет месеци.
-Владата донесе Уредба со законска сила за примена на Законот за внатрешни работи за време на вонредна состојба со која се утврдува дека приправничкиот стаж на полицаец – приправник кој има склучено договор за вработување во Министерството за внатрешни работи на 1 ноември 2019 година согласно членовите 99 и 102 од Законот за внатрешни работи, трае пет месеци, соопшти владината прес-служба.
Уредбата е донесена заради прогласената вонредна состојба во државава која наложува ангажирање на целокупниот капацитет на организациските единици во рамки на МВР, вклучително и полицајците – приправници.
На овој начин, стои во соопштението, ќе се овозможи дополнителен број полициски службеници, согласно потребите, динамиката, обврските и задачите што ги има полицијата, за спроведување на одлуките, препораките, заклучоците и мерките што ги утврдува Владата.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот