Дончиќ пред натпревар се опушта со песнa на Тоше Проески – Слободен печат
КошаркаСпорт

Дончиќ пред натпревар се опушта со песнa на Тоше Проески

Песната на Проески „Чија си“ е втора во изборот на песни на кошаркарот на Далас.

Одличниот словенечки кошаркар, Лука Дончиќ по фантастичната дебитантска сезона во НБА лигата во која беше избран за дебитант на годината, продолжи во ист ритам и во оваа сезона. Дончиќ е убедливо најдобар кошаркар на Далас маверикс кој во новата сезона има скор од пет победи и само два порази, а тој има просек од 27 поени, 10 скокови и 9 асистенции по натпревар.

Неодамна младиот кошаркар за магазинот „Слем“ ја откри листата на песни кои ги слуша пред
натпреварите. Бидејќи со 13 години ја напушти Словенија и замина во Шпанија не изненадува што на листата се најдоа повеќе шпански песни, но високо на листата се наоѓа и една песна на починатата македонска музичка ѕвезда Тоше Проески. Песната на Проески „Чија си“ е втора во изборот на песни на кошаркарот на Далас.

Исто така пред натпреварите, Дончиќ се загрева и со песните на уште неколку музичари од Балканот. На неговата плеј листа се уште и песните „Ја те волим више“ на Жељко Самарџиќ, песната „Славија“ на Џеј Рамадановски, а туа е МС Стојан со песната “La Miami“.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close