Дончиќ нов рекордер на Далас (ВИДЕО)
Словенецот доминираше во тексашкото дерби на само еден ден пред неговиот 21. роденден.
Лука Дончиќ беше прво име во победата на Далас од 109:103 над Сан Антонио, притоа поставувајќи клупски рекорд. Фантастичниот Словенец натпреварот го заврши со 26 поени, 14 асистенции и 10 скокови со што дојде до 12 трипл-дабл сезонава, а вкупно 21. во кариерата на Далас со што го израмни рекордот на Џејсон Кид.
Дончиќ до рекордното клупско остварување дојде на само еден ден пред неговиот 21. роденден.
– Не знам што да кажам. Одлично – изјави Дончиќ.
Во триумфот над Сан Антонио, одлична партија прикажа и Кристапс Порзингис со 28 поени и 12 скокови.
Со враќањето на Расел Вестбрук на теренот, Хјустон го растури Мемфис со 140:112 и дојде до петтата победа по ред. Вестбрук натпреварот го заврши со 33 поени, 9 скокови и 8 асистенции, додека Џејмс Харден застана на 30 поени и 7 скокови.
ЛА Клиперс со 102:92 го совлада Феникс санс, во натпревар во кој најновото засилување за титулата, Маркус Морис со 18 поени. Каваи Ленард вообичаено беше прво име со 24 поени и 14 скокови, додека кај Феникс се истакна Диандре Ајтон со 25 поени и 17 скокови.
Резултати:
Шарлот – Њујорк 107:101
Кливелдн – Филаделфија 108:94
Вашингтон – Бруклин 110:106
Атланта – Орландо 120:130
Мајами – Минесота 126:129
Хјустон – Мемфис 140:112
Сан Антонио – Далас 103:109
Феникс – Лос Анџелес клиперс 92:102
Јута – Бостон 103:114