Дончиќ не запира, го реши и Мемфис (ВИДЕО)
Лука Дончиќ продолжува со фантастичните игри и само две асистенции му недостасуваа за нов трипл-дабл во победата на неговиот Далас од 138:122 на гостувањето кај Мемфис. Дончиќ натпреварот го заврши со 24 поени, 14 скокови и осум асистенции.
Одлична вечер имаше и Џејмс Харден на кого пак му недостасуваше една асистенција за трипл-дабл. Но и неговите 42 поени и 10 скокови беа доволни за триумф на неговиот Хјустон од 117:94 над Чикаго булс. Одличен натпревар имаше и Расел Вестбрук со 26 постигнати поени.
Голден Стејт вориорс којк игра без без трите најдобри играчи, Стеф Кари, Клеј Томпсон и Дрејмонд Грин, продолжува да ниже порази, овој пат загубија на гостувањето кај Оклахома сити тандер. Домашниот тим победи со 114:108, а го предводеше Данило Галинари со 21 поен, додека кај „воините“, Деанџело Расел и Алек Буркс дадоа по 30 поени.
Резултати:
Шарлот – Њу Орлеанс 110:115
Чикаго – Хјустон 94:117
Мемфис – Далас 122:138
Оклахома сити –Голден Стејт 114:108
Сан Антонио – Бостон 115:135.