Донација за Пулмологија: Клиниката доби апарат за современа дијагностика на пациенти со астма и ХОББ
Апарат за целосно автоматизиран молекуларно-дијагностички систем доби Универзитетската клиника за пулмологија и алергологија. Станува збор за донација во вредност од над 400.000 денари од фармацевтска компанија „Плива”, соопштија од Клиниката.
– Донацијата на „Плива” е од суштинско значење за современа дијагностика на пациентите со астма и хронична белодробна болест-ХОББ и следење на ефектите на терапијата. Се однесува на обезбедување на комплетно автоматизиран молекуларно-дијагностички систем кој ќе биде употребуван во дијагностички цели за пациентите, изјави директорот на Клиниката, Дејан Докиќ.
Директорот на „Плива”, Петар Велкоски изрази надеж дека донацијата ќе придонесе за квалитетна дијагностика, подобри услови за работа на медицискиот персонал и ќе резултира со поквалитетен живот на сите пациенти.