Албанското Министертво за одбрана прими донација од НАТО што се состои од 60 респиратори машини.

– Сојузниците на НАТО се обединети во борбата против ковид-19. Испораката за Албанија на 60 респиратори ја покажува посветеноста на САД за нашата трансатлантска врска и вистинското обединување на НАТО против глобалните предизвици, пишува во објавата на американската амбасада на Фејсбук.

Донацијата била координирана од евро-атлантскиот центар за координација и одговор на катастрофи на НАТО (EADRCC). Деновиве донацијата ќе биде предадена на албанското Министерство за здравство по што ќе биде распределена по болниците.

Во Албанија се влошува состојбата со ковид-19, каде овој месец во просек дневно се регистрираат по 230 новозаразени. Вирусот во последните 24 часа е дијагностициран кај 301 лице, што е највисока бројка досега.