Министерството за одбрана на Албанија денеска соопшти дека САД обезбедиле 29 нови повеќенаменски возила ХММВВ за засилување на воените способности на земјата во пресрет на планираните вежби на НАТО во југоисточна Европа.

– Албанските вооружени сили секогаш ќе бидат со САД и во сојуз за одбрана на безбедност на нашите заеднички вредности, порача албанскиот министер за одбрана, Нико Пелеши на партнерите во НАТО, пренесува АП.

Новинската агенција наведува дека американската амбасадорка во Тирана, Јуриј Ким нагласила оти донацијата на возилата е дел од приоритетниот проект на САД со кој се помага во транзиција на албанската војска која ова лето ќе биде домаќин на мултинационални вежби, најголемите што некогаш се одржале во југоисточна Европа и кои ќе го истакнат значењето на Албанија во регионот.

Албанија од САД претходно доби и три хеликоптери „Блек Хоук“ и уште неколу повеќенаменски возила ХММВВ, се додава во веста на АП.