ДОНАЦИЈА на „Арс ламина“: Книги за библиотеката во „СОС Детско село“
Издавачката куќа „Арс ламина“ донираше книги за библиотеката во „СОС Детско село Македонија“. Донацијата содржи изданија од „Либи“, дел од „Арс ламина – публикации“: сликовници од серијалите „Пчеличката Маја“ и „Бајки од Македонија“, боенки, романи од едициите „Детски класици“ и „Шекспир за деца“, читанки и лектирни изданија од „Лесно читливи лектири“ за ученици од второ до деветто одделение од основните училишта, како и списанијата за ученици „Мини Либи“ и „Либи“.
Донацијата е со цел да се збогати книжевниот фонд во „СОС Детско село“ и да се помогне во грижата за децата и семејствата во социјален ризик, згрижени во центарот, каде што деца без родители и родителска грижа добиваат топол дом, љубов и стекнуваат чувство на припадност и сигурност.
(Текстот е објавен во „Културен печат“ број 24, во печатеното издание на „Слободен печат“ на 28-29 март 2020)