Доминираше Ферари, Леклер со трета пол-позиција во низа
Шарл Леклер (21) дојде и до третата пол позиција по ред сезонава, возачот на Ферари овојпат беше најбрз во квалификациите за Големата награда на Сингапур.
Талентираниот Ф1 возач ќе започне од најдоброто место, забележа резултат од 1:36.217 мин. и докажа уште еднаш зошто е иднината во „најбрзиот циркус на светот“. Второто место му припадна на Луис Хамилтон кој се најде помеѓу двајцата возачи на Ферари, па така трет е Себастијан Фетел.
Од четвртата позиција ќе тргне Макс Верстапен во Ред Бул Хонда, а потоа следуваат Валтери Ботас, Карлос Сајнц, Даниел Рикардо, Нико Хулкенберг и Ландо Норис.
Квалификации, резултати, ГН Сингапур:
1.Шарл Леклер (Ферари) – 1,36,217 минута
2. Луис Хамилтон (Мерцедес) – 1,36,408
3. Себастијан Фетел (Ферари) – 1.36.437
4. Макс Верстапен (Ред Бул) – 1,36,813
5. Валтери Ботас (Мерцедес) – 1,37,146
6. Александар Албон (Ред Бул) – 1,37,411
7. Карлос Саинц (Мекларен) – 1,37,818
8. Даниел Рикиардо (Рено) – 1,38,095
9. Нико Хулкенберг (Рено) – 1,38,264
10. Ландо Норис (Мекларен) – 1,38,329.
На седум трки до крајот Хамилтон и натаму има убедливо водство, но интересно ќе биде што ќе се случи во последните седум трки од Формула 1 шампионатот.
Возачот од Монако триумфираше во Белгија и Италија, моментно е четвртопласиран во генералниот пласман со 182 бодови, води Хамилтон со 284, пред Ботас (221) и Верстапен (185). Неделната трка во Сингапур ќе стартува во 14.10 часот по централноевропско време.