ДОМИНИРА МЕРЦЕДЕС: Хамилтон со пол позиција во Монако!
Хамилтон освен тоа што ќе стартува како прв, воедно оствари и рекорд на патеката (1:10,166). Веднаш зад Британецот заврши неговиот тимски колега од редовите на Мерцедес, Валтери Ботас.
Последниот трет дел од квалификациот циклус беше највозбудлив, Ботас возеше одлични кругови, но како да застана во самиот финиш.
Тоа секако го искористи шампионот кој беше побрз за вкупни 86 илјадити делови од секундата, а оваа пол позиција го доближува кон нова победа, што била негова четврта сезонава.
QUALIFYING CLASSIFICATION: Hamilton's first pole since Melbourne ?#MonacoGP ?? #F1 pic.twitter.com/0SWcz8EImM
— Formula 1 (@F1) May 25, 2019
Вториот ред го пополнуваат Ферштапен (Ред Бул) и Фетел (Ферари). Првата „десетка“ ја сочинуваат уште Гејсли (Ред Бул), Магнусен (Хас), Рикиардо (Рено), Квјат (Торо Росо), Саинц (Мекларен), Албон (Торо Росо).
Новата трка од Формула 1 шампионатот во Монако ќе се одржи в недела со почеток од 15:10 часот.
После пет трки во генералниот пласман кај возачите води Хамилтон со 112 бодови, седум повеќе од Ботас, а далеку зад нив на третата позиција е Ферштапен (66).