Австриецот Доминик Тим е вториот финалист на завршниот Мастерс турнир во Лондон откако во полуфиналето го победи Александер Зверев. Тим за еден час и 35 минути со 7:5,6:3 го победи минатогодинешниот шампион и во финалето го очекува пресметка со Стефанос Циципас кој беше подобар од Федерер.

Во првиот сет, Зверев беше тенисерот кој прв имаше брејк топки, во третиот и во шестиот гем но не ги искористи. Казната го стигна во 12. гем кога сервираше за опстанок во сетот, а Тим ја искористи втората брејк топка за водство од 1:0 во сетови.

Одличниот Тим кој во групната фаза ги победи и Федерер и Ѓоковиќ, во шестиот гем ја користи третата брејк топка со која доаѓа до водство од 4:2 и рутински до чуваше водството до крајот на сетот што значеше и пласман во финалето.