Домашните миленичиња не знаат за полициски час

Веќе една недела во Македонија се имплементира полицискиот час, кој трае од 21.00 часот навечер до 05.00 часот наутро, како резултат на вонредната состојба предизвикана од коронавирусот, кој се чини дека допрва зема замав во нашата земја.

Во текот на изминатава недела видовме доста примери на непочитување на оваа мерка, полициските службеници навистина имаа полни раце работа, а ограничувањата на движењето за викенд станува уште построго, со тоа што денеска и утре се забранува излегување од 16.00 часот попладне до 05.00 часот наутро.

Во една ситуација кога во Италија, а сега веќе и во Шпанија умираат речиси 1.000 луѓе дневно, ваквиот потег на властите е и повеќе од оправдан, а многумина дури бараат и дополнително заострување на мерките.

Прочитајте и...  (Мулти)генерациска катастрофа

Иако полицискиот час е неопходен во време на оваа пандемија и тука нема дилеми, она за што треба да се дискутира е неговата регулација, посебно кога станува збор за домашните миленичиња и нивните сопственици.

Повеќе од 20 организации за заштита на домашните миленичиња во земјата побараа сопствениците за време на полицискиот час да можат барем на кратко да ги прошетаат своите миленици, со цел тие да ги извршат физиолошките потреби, без никакво групирање и кршење на правилата во вонредната состојба која е на сила.

И додека техничкиот премиер Спасовски рече дека отстапки нема да има, министерот за внатрешни работи Наќе Чулев беше малку поблаг, па истакна дека е можно Владата во наредниот период да ги разгледа овие барања, меѓутоа ситуацијата барем засега останува статус кво.

Прочитајте и...  Лажеше гледајќи го в очи „народот свој“

Во писмото на здруженијата за животни доставено до Владата се бара во оваа ситуација да се постапува како во Србија, Грција и Шпанија, каде сопственикот може да го прошета своето милениче 20 минути на радиус од 200 метри од своето живеалиште.

Самото одолговлекување за да се донесат вакви или слични мерки кога се миленичињата во прашање од страна на нашите власти е апсурд, бидејќи тоа се живи суштества кои не можат да ги контролираат своите потреби.

Со ова индиректно се скратува правото за вршење на физиолошки потреби на милениците, бидејќи нивниот сопственик не смее да излезе надвор.

Во држава каде имаме најмалку 80.000 семејства со домашни миленичиња, едноставно ова е потреба, а не „рекреативна прошетка“, која би ја искористиле сопствениците на миленици за време на полициски час.

Прочитајте и...  (Мулти)генерациска катастрофа

Точно е дека сега имаме сериозен проблем и овие строги мерки мора да се почитуваат, меѓутоа, тие мора убаво да се обработат и да се направат одредени отстапки во корист на граѓаните, а во овој случај и во корист на миленичињата, бидејќи тие не знаат за полициски час.

Прочитај повеќе

Лажеше гледајќи го в очи „народот свој“

Џабир Дерала

(Мулти)генерациска катастрофа

Златко Теодосиевски

Охридскиот договор им припаѓа на сите, повикот на Ахмети мириса на барут

Џабир Дерала

Паркинг кај „Холидеј ин“ – визија, профитерство и национален интерес

Божидар Милјовски

Пред школскиот праг, повторно се бира меѓу Венко и Жарко или Мицко и Наќе

Џабир Дерала

Што сакаше да ни каже претседателот?

Остави Коментар

Прочитај повеќе

Како да се изгради тоа што ни треба – регионален клинички центар

Божидар Милјовски

Нова реалност со замаглени очи

Жанета Скерлев

За правдината и законската мрежа, фина ко пајажина

Мирослав Грчев

Безмозочна партиска зомби пешадија

Џабир Дерала

Градската плажа Горица 3 се препороди како Лазар (Мојсов)

Агрон Биба

ДУИ не се римува со опозиција

Срѓан Ивановиќ