Домашен сладолед „Магнум“
Состојки:
– стапчиња за сладолед
– 500 мл млеко
– 2 лажици шеќер
– 60 грама пченкарен скроб
– 1 лажица екстракт од ванила
– 100 грама бело чоколадо
– 100 грама грчки јогурт или кисело млеко со поцврста структура
За прелив:
– 300 грама темно чоколадо (може и млечно)
– сечкани бадеми
Подготовка:
Во тенџере сипете млеко, пченкарен скроб, ванила, шеќер и помешајте. Варете додека смесата не се згусне, а потоа додајте го белото чоколадо. Помешајте и додајте го грчкиот јогурт. Повторно сè убаво измешајте и сипете во тетрапак од млеко што претходно малку сте го измиле и сте го исекле врвот. Со скалпел или со потенок нож, на потесната страна од тетрапакот направете мал рез и ставете ги стапчињата. Покријте со фолија и оставете ги во замрзнувачот преку ноќ.
За прелив:
Растопете го чоколадото и додајте ги сечканите бадеми. Оставете малку да се излади. Со нож исечете го тетрапакот помеѓу стапчињата и отстранете го вишокот така што ќе добиете сладолед на стапче. Потоа, натопете ги сладоледите во чоколадниот прелив и ставете ги во замрзнувач уште половина час.