„Dolphin Bay Resort & Spa“ – Луксузен избор за претстојниот одмор
Ние сакаме да мечтаеме секој ден, бидејќи мечтаењето за одмор секогаш добро ни доаѓа, а особено ако станува збор за некое добро место, со неверојатна услуга и уште подобар поглед.
Сместен на калифорниската обала „Dolphin Bay Resort & Spa“ ве повикува да го искусите уживањето на Западната обала со стил и на најдобриот можен начин.
Ова спектакуларно одморалиште се наоѓа на Писмо Бич, меѓу Сан Франциско и Лос Анџелес, на многу тивкиот калифорниски брег, кој е познат по својата клима и опуштениот пристап кон животот.
„Dolphin Bay Resort & Spa“ е многу повеќе од одморалиште на плажа, со беспрекорен поглед на океанот и залезите на сонцето кои доживотно ќе ги паметите. Пространото сместување во овој хотел има неверојатно дизајниран ентериер, со приватни балкони и кујна со мермерни работни површини. Нормално, тука се и бројните други луксузни погодности.
Гостите веројатно ќе уживааат во дневниот спа центар, ресторанот и базенот на отворено со загреаната вода, но и во самата прошетка по Писмо Бич, која ќе ви донесе уживање. Овде можете да ја истражите целата околина со помош на велосипедите кои се достапни за изнајмување, а овозможено ви е и сурфање, дегустација на вина и голф.
Дали веќе се пакувате?