– Изградивме 750 километри патишта, 1400 километри водоводи и канализации, а вие имате споменици и барокни фасади, кои ветрот ви ги дувна, му порача претстедателот на СДСМ Зоран Заев, на својот соговорник Христијан Мицкоски од ВМРО – ДПМНЕ во емисијата „Само вистина“ на Канал 5 телевизија.

Тој додаде дека со 30 милиони евра за проблемот со ГАМА ја решивме гасификацијата, што е историско прашање, а не е споменик или жална врба.

Особени сме горди што 2019 година ја завршиме со 624 милиони странски директни инвестиции најмногу во југоисточна Европа по глава на жител, истакна Заев.

Меѓудругото и заради тие инвестиции има пари во буџетот и за пензии и за плати и за сите  политики, за 300% зголемена социјална помош, за 40% зголемени плати на здравствените  работници, за 25% зголемени плати на медицинските сестри, 21% зголемени плати во образованието, истакна претседателот на СДСМ Зоран Заев.

Проблемот е кога вие ги крадете парите. Долгот е зголемен за точно 830 милиони евра, изјави претседателот на ВМРО-ДПМНЕ, Христијан Мицкоски.

„Каква е реалноста, најновите податоци од јануари месец ќе видите дека капиталните трошоци изнесуваат точно 397 милиони денари, тоа се капитални трошоци кои што државата вложувала нели како што вели гради, се грижи за младите и тоа е 1,67% од планираното за 2020 година, што е 6,5 милиони евра. Од друга страна дефицитот тоа е онаа бројка која што отсликува повеќе потрошено отколку прибрано во буџетот е еднаков на 6,98% , затоа што и буџетот се полни со
7% од она што било планирано за 2020 година. Тоа значи дека 1 милијарда и 213 милиони денари, односно 20 милиони евра, а за капитални инвестиции од нив се потрошени точно 6,5 милиони. Прашањето е каде завршија останатите 13,5“ потенцираше Мицкоски.