По тринеделен пад, на пазарот со валути индексот на доларот и понатаму е под притисок, бидејки инвеститорите вложуваат во ризични валути и очекуваат, што се однесува до пандемијата, дека најлошото е завршено.

Во такви околности, индексот на доларот во однос на останатите најважни светски валути при денешното тргување ослабна за 0,2 отсто, на 96.452 бода.

Бројот на новозаразени во САД продолжи да расте и за време на викендот, при што само на Флорида нивниот број во последните 24 часа скокна за повеќе од 15 илјади, надминувајќи го рекордниот дневен пораст на Њујорк од април.

– Растот на бројот на новозаболени не е позитивна вест, но пазарите по се изгледа се уште сметаат дека ситуацијата со повторно воведување на нови рестрикции на економските активности е далеку, истакнува Јукио Ишизуки, стратег при Даива Секјуритис.

Влијанието на еврото притоа порасна за 0,25 отсто во однос на доларот, па утрово изнесуваше 1,1329 долари.

Доларот забележа и благ пад во однос на јенот и тој сега се тргува по цена од 106,83 јени, што е најблиска разлика во изминативе две недели од 106,635 јени, која беше забележана во петокот.