Марин Докузовски одлично го водеше Работнички до јубилејниотт 10. триумф во Купот на Македонија, успевајќи да го надмудри помладиот колега на клупата на Блокотехна, Марјан Илиевски.

– Блокотехна одигра добар меч, тие имаа напорна недела и мора да им се честита за се што направија. Резултатот можеби не го кажува тоа, но не беше лесно да се дојде до победата. Во првото полувреме изгледаше како да не игравме одбрана. Морав малку да го кренам гласот во соблекувалната и веќе во продолжението заигравме онака како што знаеме во одбраната. Одигравме многу квалитетно и благодарение на тоа го остваривме успехот – изјави Докузовски.