Докторот Алберто Зангрило: Берлускони добро реагира на терапијата за Ковид-19
Поранешниот италијански премиер Силвио Берлускони добро реагира на третманот за Ковид-19, изјави неговиот лекар, пренесува агенцијата ДПА. Берлускони (83) минатата недела беше примен во болница во Милано со проблеми на белите дробови, како резултат на инфекцијата со коронавирус.
– Неговиот одговор на терапијата во болницата „Сан Рафаеле“ во Милано е „оптимален”, рече пред новинарите Алберто Зангрило, докторот на Берлускони.
Тој сè уште е во „кревка фаза”, додаде лекарот, потенцирајќи дека возраста на пациентот е фактор на ризик и дека на терапијата и треба време.
Состојбата на Берлускони во саботата тој ја оцени како „стабилна” и рече дека дишењето му се одвива како што се очекуваше.
Берлускони во болницата во Милано беше префлен во четвртокот вечерта, откако самиот соопшти дека претходната недела се заразил со вирусот. Првичниот план му бил да мине две недели во самоизолација, но откако му се влошила здраствената состојба тој морал да побара лекарска помош.