Лекарка предупредува: Како никако не смее да се јаде лукот
Лукот е познат по тоа што носи бројни придобивки за нашиот организам, па затоа често го јадеме на различни начини. Меѓутоа, некои од нив воопшто не се препорачливи, предупредуваат лекарите.
Неговото моќно дејство многу луѓе го користат за зајакнување на имунитетот, во борбата против вирусите, но и за намалување на високиот крвен притисок. На интернет кружат бројни рецепти, а на опасноста што се крие зад неселективното консумирање предупреди д-р Ивана Стефановиќ од белградската Итна помош.
Оваа намирница делува:
– антибиотски
– антивирусно
– антигабично
– антивоспалително
– антипаразитски
– антиоксидативно
– антиканцерогено
– Добиваме многу повици од пациенти кои имаат проблеми поради високиот крвен притисок, но често утврдуваме дека не земале соодветна терапија. Во никој случај не треба сами да ги намалувате или зголемувате дозите, а особено не треба да користите природни лековити средства без консултација со лекар – рекла д-р Стефановиќ пред неколку месеци во Утринската програма на РТС.
Меѓутоа, луѓето голтале парче лук за да го намалат крвниот притисок, а тоа оставило сериозни последици на организмот, особено на желудникот. Сето ова е предизвикано од сосема погрешен совет што кружи на интернет.
„Имавме случаи кога луѓето читаат разни совети на интернет и ги применуваат, а потоа доаѓаат со различни симптоми. Така се рашири еден рецепт според кој треба да голтнете цело чешне лук. Тоа за последица има ужасни болки во желудникот, ни треба време да откриеме од каде доаѓа болката и проблемот, а потоа откриваме дека голтале лук. Тоа може да доведе дотаму да бидат дисфункционални и до 48 часа“, предупредила д-р Стефановиќ. Таа потсетува дека и за народните лекови треба да се консултирате со лекар.
Експертите, инаку, со години истакнуваат дека најдобро е да се јаде сиров лук изгмечен, бидејќи така се поттикнува ензимската реакција во која се ослободува алицин. Алицинот е супстанција која во најголема мера е одговорна за лековитото својство на лукот.
Ако термички го обработувате, вметнете го во јадењето пред самиот крај, за да не биде изложен на високи температури повеќе од 10 минути.
