Докторите на скафандерите лепат свои слики за пациентите, освен маските, да ги видат и нивните лица (ФОТО)
Пациентите сакаат да знаат кој ги лекува додека се борат да преживеат.
Здравствен работник од Сан Диего смисли прекрасен начин како да им подари „смирувачка насмевка“ на своите пациенти додека ги лекува од смртоносниот коронавирус.
Робертињо Родригез лекувал пациенти на Интензивна нега за време на викендот, кога одлучил да направи нешто за да ги развесели и да им го разубави денот што е можно повеќе.
These doctors have put their pictures on their PPE so that their patients can see who is looking after them, this is such a nice idea ☺️ pic.twitter.com/KyacsOyrr7
— Danny (@PaedsNurseDanny) April 6, 2020
Родригез се чувствувал лошо бидејќи пациентите кои ги лекувал можеле да видат само дел од неговото лице, бидејќи тој и целиот медицински персонал носат целосна заштитна опрема, па направил огромна ознака/значка со цел да ја носи врз скафандерот.
На ознаката, која ја закачил на градите, е прикажана негова слика во костум, со насмевка на лицето, што е голема разлика од она што пациентите го гледаат секој ден.
Откако ја споделил фотографијата на Инстаграм со порака „останете дома“, многу негови колеги го сториле истото и со тоа малку ги разведрил пациентите кои се борат за живот.
Родригез изјави дека ќе ја носи ознаката се додека носи скафандер.