Доктор спаси два животи за три месеци на стадионите во Англија
Англискиот лекар Том Причард го врежа своето име меѓу хероите откако за три месеци спаси два животи на фудбалските терени во Англија.
Причард спаси навивач на Њукасл пред три месеци на мечот против Тотенхем, кој беше прекинат поради срцев удар на трибините.
Причард во таа прилика како навивач на натпреварот беше присутен во цивилна облека, но со брза реакција му го спаси животот на навивачот. Сето тоа се случи во октомври, а по натпреварот тој работеше ноќна смена во болницата Норт Тис во Стоктон.
Речиси идентична ситуација му се случи и на големиот херој синоќа. Овој пат беше на должност бидејќи работи во англискиот второлигаш Мидлсброу.
Со лекарскиот тим на Мидлсброу беше на гостување кај Блекбурн во Чемпионшип, а со колегата Крис Мозели истрча да му помогне на навивач кој доживеа срцев удар. Дуото му пружи прва помош и му го спаси животот, иако постариот господин на трибините не даваше знаци на живот.
💙 Blackburn Rovers are pleased to report that the elderly gentleman who required urgent medical attention during tonight’s game is now in a stable condition in hospital.
🌐 Full story online. #Rovers 🔵⚪️
— Blackburn Rovers (@Rovers) January 24, 2022
– Блекбурн Роверс со задоволство објавува дека постариот господин, кој доби медицинска помош за време на натпреварот, моментално е во стабилна состојба во болница – соопшти поранешниот англиски шампион.
Несреќата се случи кон средината на второто полувреме на трибината на Џек Вокер. Натпреварот заврши 1:0 во корист на домаќините.