Потенцијалното заминување на Лаутаро Мартинез од Интер е топ тема во европските медиуми веќе извесен период, а главен фаворит за неговиот потпис е Барселона.

Каталонскиот клуб веќе е во интензивни преговори со челниците на Интер и се наоѓа пред договор, 60 милиони евра во кеш плус уште двајца играчи и тоа најверојатно ќе бидат Карлес Алења и Самуел Умтити.

Доколку евентуално не дојде до договор помеѓу Интер и Барселона, Лаутаро најверојатно ќе се пресели во ПСЖ кој без никаков проблем може да ја плати клаузулата од 111 милиони евра и да му понуди годишна плата од 10 милиони евра плус дополнителни бонуси.

Бидејќи Интер се соочува со загуба на еден од најдобрите играчи оваа сезона, поранешниот сопственик на итлаијанскиот тим, Масимо Морати, смета дека експресно треба да се реагира со ангажирање на нов напаѓач кој е ѕвезда во светскиот фудбал.

– Доколку си замине Лаутаро, Интер треба да го донесе Меси. Но, доколку тоа е невозможно би сакал да го видам Пауло Дибала во дресот на Интер – рече Морати.