Грчката Влада кон средината на мај ќе го соопшти планот за туристичката сезона, а ако сѐ биде во ред и епидемиолошките податоци се стабилни, на 1 јули со отворање на сезонските хотели, ќе се отвори и туризмот за странци.

Ова го изјави државниот министер на Грција Јоргос Герапетритис во интервјуто за грчкото радо „Алфа 989″.

Герапетритис објасни дека периодот меѓу 15 и 20 мај ќе биде клучен, бидејќи тогаш очекуваат да го видат резултатот од постепеното олабавување на рестриктивните мерки и тогаш да биде донесена конечната одлука, но истакна дека независно од тоа дали ќе постои отежнување или олеснување на ситуацијата, потребно е владата да има подготвен план.