9 C
Скопје

Доколку играме како со Бугарите, Финска сигурно ќе падне!

Оптимистички тонови од Никола Ѓорѓиев, капитенот на најдобрата машка одбојкарска репрезентација пред настапот на дебитантското Европско првенство кое што за нас ќе стартува во Љубљана (Словенија).

Селекторот Никола Матијашевиќ ги одреди одбојкарите коишто ќе патуваат во Љубљана и ќе го носат дресот на нашата селекција на ЕП. Очекувано, Лука Костиќ и Марко Јуниор Стошиќ нема да бидат во составот од 14 играчи коишто од 12-17 септември во арената „Стожице“ ќе играат во групата „Ц“ со Финска, Турција, Русија, Белорусија и Словенија.

Составот на македонската репрезентација: Дарко Ангеловски, Ѓорѓи Ѓорѓиев, Ристо Николов, Никола Ѓорѓиев, Владо Милев, Славе Наков, Александар Љафтов, Александар Милков, Филип Деспотовски, Филип Николовски, Иван Андонов, Филип Маџунков, Стојан Илиев, Васе Михајлов.

Прочитајте и...  Како изгледаа првите кошаркарски правила

Но, пред натпреварите со историска димензија за македонската одбојка, нашите репрезентативци се обидуваат да ја кренат формата на уште повисоко ниво во однос на натпреварот со Бугарија во Скопје, во којшто го совладаа реномираниот противник со 3:0.

– Со изданието против Бугарија, играчите ме убедија дека можеме да играме на Европското првенство, а пред тоа, искрено, не верував дека ќе биде добро. Но, доколку играме како со Бугарите, Финска сигурно ќе падне. Игравме зрело, не правевме глупави грешки, со Бугарија ниту една топка не падна на терен, постојано ја допиравме, се боревме. Ги поправивме ситните работи во споредба со пријателските со Шведска, лошо кренати топки, лоша втора топка и лоша комуникација во игра. Она што ме загрижува е здравјето. Но, доколку сме здрави, мислам дека ќе ја победиме Финска – се зборовите на капитенот, Никола Ѓорѓиев.

Прочитајте и...  Бенитез се враќа на Островот, го чека клупата на гигантот

Македонските одбојкари уште овие два дена ќе тренираат во Скопје, а потоа ќе отпатуваат за Сент Полтен каде што в петок и в сабота ќе одиграат два контролни меча со Австрија. Првиот дуел со Финците ќе го играме на 12 септември со почеток од 17.30 часот.

Поврзани вести

ВИДЕО: Атлетико сигурно чекори кон титулата, падна и Валенсија

Слободен печат

Швеѓаните ја растурија Русија, Франција е силна и без Карабатиќ

Слободен печат

Арсенал замената за Озил ја најде во Реал Мадрид

Слободен печат

Хит фотка: Стоилов и Пешевски во друштво на дебелкото од Конго

Слободен печат

Египет и Парондо одат според планот, реми со Словенија за четвртфинале

Слободен печат

ВИДЕО: Солскјер конечно го победи Клоп, Фернандеш го исфрлли Ливерпул од ФА купот

Слободен печат

Остави Коментар