Дојран повторно ќе се наполни за продолжениот викенд

Фото: Википедиа

Дојранчани очекуваат во текот на денот, особено со зголемен интензитет во попладневните часови, викендиците да се наполнат за продолжениот духовденски викенд односно да пристигнат од три до пет илјади гости, меѓу кои најголем број веројатно од високо ризичните места во земјава што сигурно не ги прави рамнодушни локалните жители, изјави за МИА градоначалникот Анго Ангов.

– Околу 80 отсто од викендиците во Дојран сигурно ќе имаат гости за продолжениот викенд до кои упатуваме апел доследно да ги почитуваат протоколите и мерките за заштита од ширење на корна вирусот,како и препораките да седат во дворовите со запазување на социјална дистанца, рече Ангов кој истовремено раководи и со општинскиот кризен штаб.

Тој нагласи дека миграцијата од место во место е голема опасност за ширење на корона вирусот поради што очекува поголемо чувство на одговорност од страна на викендашите за своето и здравјето на другите.

– Апелирам до нив, особено во актуелната состојба кога бројките покажуваат повторно зголемување на заразата,за време на престојот во Дојран доследно да ги почитуваат мерките против инфекција од Ковид-19 затоа што од полицијата ќе бараме зголемено патролирање по улиците и казнување на недисциплинираните гости,рече градоначалникот Анго Ангов.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот