Дојче Бан: Лани добивка од 1,3 милијарди евра, годинава во минус

Штрајк на транспортот во Германија / Фото ЕPA-EFE/CLEMENS BILAN

Германската железничка компанија Дојче Бан објави дека била профитабилна во 2022 година благодарение на закрепнувањето на побарувачката за превоз на патници, но очекува загуба повторно во 2023 година поради трошоците за енергија и инвестиции. Во 2022 година работеа со оперативна добивка од 1,3 милијарди евра, по оперативна загуба од 1,5 милијарди евра во 2021 година.

Прилагодените приходи се зголемија за 19,1 отсто на ниво на групација минатата година, на 56,3 милијарди евра, достигнувајќи го највисокото ниво од основањето на Дојче Бан, објави Индекс хр.

Компанијата превезе околу два милиони патници минатата година, 40 проценти повеќе отколку во 2021 година, кога побарувачката сè уште беше попречена од мерките за борба против Ковид-19.

Добивката во одделот за логистика скокна за речиси 50 отсто, на 1,8 милијарди евра. Годинава Дојче Бан повторно очекува оперативна загуба од една милијарда евра, што укажува на високите цени на енергијата, инвестициите во инфраструктурата и зголемените каматни стапки.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот