Оваа година според најновата листа на Светска банка за „Doing Business“, нашата земја се најде на 17 место.

Македонија лани беше на 10 место, но не треба да се избрзува со заклучоци, затоа што од Светска банка објаснуваат дека оваа година е променета методологијата за пресметка.

Нашата земја во извештајот се споменува како една од најдобрите 20 држави во светот за водење бизнис.

Оваа листа мери неколку критериуми кои говорат за леснотијата на земјата за водење бизнис, како што се отворањето фирма, затворањето, даночната регулатива, брзината на добивање струја, други дозволи, како и пристапот до кредитни средства за компаниите.

Често за оваа листа во минатото, кога земјава се наоѓаше на горни позиции, имаше критики дека одредени битни елементи за компаниите, не се опфатени во оваа листа.

А во извештајот на „Doing Business“ е дадено гледање за резултатите што земјите ги постигнаа оваа година.

– Економиите во Европа и Централна Азија забрзаа во подобрување на нивните деловни клими, спроведувајќи 56 реформи и водејќи глобално во реформите во плаќањето даноци и извршувањето на договорите – се вели во студијата на Светска банка за деловно работење.

Се додава дека Европа и Централна Азија се дом на две од најдобрите 20 најдобри места во светот за водење бизнис – и тоа Грузија (7) и Македонија (17).

– Економиите во Европа и Централна Азија продолжуваат да постигнуваат значителен напредок во овозможување на претприемништво и промовирање на економски развој – рече Сантијаго Кроус Даунс, програмски менаџер на единицата „Doing Business“. – Како што се гради импулсот на реформите, економиите што заостануваат можат да научат од добрите практики што ги усвоија нивните соседи – додаде тој.

Србија и Украина спроведоа по шест реформи секоја од нив. Двете економии ги олеснија процесите на справување со градежни дозволи и полесно ја олеснуваат електричната енергија и ги зајакнаа правата на малцинските инвеститори. Србија го олесни плаќањето на даноците додека Украина формираше нов регистар на јавни кредити и ја зголеми транспарентноста на системот за управување со земјиштето.

Додека повеќето економии од регионот продолжуваат да ги спроведуваат реформите со стабилно темпо, неколку економии сè уште заостануваат. Бугарија спроведе единствена реформа за подобрување на деловната клима во изминатите пет години, додека Босна и Херцеговина и Црна Гора спроведоа три и четири реформи соодветно во тој период, се вели во извештајот.