Основното училиште „Димитар Поп Георгиев Беровски“ во населбата Хром ќе се прошири со осум нови училници, со што треба значително да се подобрат условите за изведување на наставата и ќе се создадат можности за настава во една смена.

Денеска беше поставен камен-темелник за доградба на 770 метри квадратни нов училишен простор во ова училиште, кое е трето во Општина Ѓорче Петров кое добива доградба во период од еден месец.

Полуматурска парада во Ѓорче Петров, ќе се слави со зурли, тапани и ора

Градоначалникот на Општината, Александар Стојкоски истакна дека инвестициите во образованието се инвестиции во иднината на децата и во развојот на целата општина.

Продолжуваме со силно темпо да вложуваме таму каде што најмногу вреди — во децата, во училиштата и во иднината на Ѓорче Петров. Доградбата на ООУ „Димитар Беровски“ е уште еден конкретен резултат од нашата посветеност да обезбедиме подобри, посовремени и поквалитетни услови за образование – рече Стојковски на денешниот настан.

Од Општина Ѓорче Петров велат дека остануваат фокусирани на реализација на капитални проекти во сите населени места, со посебен акцент на образованието, инфраструктурата и подобрувањето на квалитетот на живот на граѓаните.