Додик со благодарност до Макрон бидејки признал дека БиХ е опасност за ЕУ – Слободен печат
ВестиРегион

Додик со благодарност до Макрон бидејки признал дека БиХ е опасност за ЕУ

Макрон признал дека уредувањето на БиХ претставува опасност за ЕУ поради исламскиот тероризам и џихадистите кои се регрутирани во БиХ а војувале во Сирија, Ирак и други земји и сега се враќаат во земјата, смета Додик

Српскиот член на Претседателството на Босна и Херцеговина, Милорад Додик денеска изјави дека му е благодарен на францускиот претседател Емануел Макрон за неговата изјава дека БиХ е „темпирана бомба” и претставува опасност за Европската Унија поради исламскиот тероризам.

– Му благодарам на претседателот Макрон што на светската, но и на својата јавност му ја соопшти вистината на која подолго време укажувам, кога е во прашање БиХ, а поради што трпев критики од некои од меѓународната заедница, на кои не им одговараше вистината за состојбата во БиХ, истакна Додик за српската новинска агенција ТАНЈУГ.

Тој посочи дека Макрон признал дека уредувањето на БиХ претставува опасност за ЕУ поради исламскиот тероризам и џихадистите кои се регрутирани во БиХ а војувале во Сирија, Ирак и други земји и сега се враќаат во земјата.

– Западот долги години ги охрабруваше сараевските хегемонистички и централистички кругови, што доведе до тоа БиХ да стане целосно дисфункционална заедница по поткопувањето на Дејтонскито договор односно дејтонското уредување, додека силата на дејствување на сараевските политички кругови отиде во целосен исламистички екстремизам, посочи Додик

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close