Претседателот на Република Српска, Милорад Додик, рече дека бараат начин како младите од тој ентитет да ги вклучат во редовниот воен рок во Србија.

„Преку одредени решенија ќе ги стимулираме нашите момчиња да заминат во Србија, да го отслужат воениот рок и да се вратат во Србија. Ќе видиме како ќе им обезбедиме побрзо вработување или друг вид на привилегии и поддршка на младите кои го прифаќаат ова“, изјави Додик за „Вечерње новости“.

Тој оцени дека позицијата на Србија како „воено неутрална и слободољубива земја е единствената можна, но дека е важно да се зајакне нејзината армија“.

Додик истакна дека Република Српска се грижи Србија „да ја зајакне својата воена моќ и да биде способна да ги одврати сите воени сојузи, вклучително и НАТО, од какво било мешање“.

„Раководството на Србија и претседателот Александар Вучиќ ја имаат мојата апсолутна поддршка. Тоа е одговорен тим кој ги мери сите најважни национални и државни прашања и врз основа на тоа носи одлуки“, заклучи Додик.