Српскиот член на Претседателството на БиХ Милорад Додик порача денка меѓународната заедница и бошњачката политичка елита мораат да сфатат оти не е можно Србите од политички, историски и други причини да го прифатат 1 март како празник на Босна и Херцеговина.

– Ние не смееме лесно да ѝ се препуштиме на оваа приказна, бидејќи ова се тешки историски теми и 1 март не може да биде празник на БиХ ако таа сака Република Српска да биде во неа – им рече Додик на новинарите.

Тој напомена дека 1 март не може да биде празник на сите, бидејќи го прогласила само Федерацијата БиХ, а никогаш ниту еден орган на БиХ, која нема ниту закон за празници.

– Меѓународната заедница тоа го наметнува за да присуствува, па дури и Уставниот суд, кој наоѓа за сходно да рече дека 9 јануари не е Ден на Републиката, што е тешко да се оспори – додаде Додик.

Тој оцени дека тоа многу ги продлабочува разликите, како и дека „ароганцијата која доаѓа од бошњачката политичка елита и меѓународната заедница ја толкува како доказ за нивниот континуиран неуспех да наметнуваат некои работи“.

– Мораат да сфатат дека за нас Србите не е можно да се прифати 1 март од политички, историски и други причини – истакна Додик.

Напомена дека одбележувањето на 1 март истористи не е поддржано од сите народи, што покажува дека во БиХ кога еден народ слави друг тагува, едни имаат комеморации, а други прослави.