Поради пандемијата оваа година молитвите се емитувани на интернет, а наместо илјадниците верници да дојдат да ѝ се поклонат на Богородица, таа е сместена во хеликоптер кој го надлетуваше градот, во кој, жртвите од коронавирусот лежеа на улиците со денови, чекајќи погребалните претпријатија да ги преземат и погребат.

– Размислувавме за овој лет, но само размислувавме, а потоа одлучивме на верниците да им помогнеме така што Богородица ги посети нив, а не тие неа во црква, соопштија верските официјални лица во Еквадор.

На овој начин е извршен „виртуелен аџилак“ при кој верниците ја посетија капелата во Гвајакил на мрежите, наместо во зора да дојдат до светилиштата и да ѝ се поклонат на иконата на Богородица.

Да потсетиме, Гвајакил веќе со недели мака мачи каде да ги смести телата на починатите од коронавирусот. Иако болниците и мртовечниците се пренатрупани, а и телата со денови лежат на улица, властите во Гвајакил тврдат дека коронавирусот зел само 533 животи.

Многу семејства пријавија дека исчезнале телата на нивните најмили, поради што е покрената истрага. Во меѓувреме, властите покренаа сајт на кој граѓаните ги известуваат за пронаоѓањето на телата на починатите, и секој може со пишување на името на своите сакани да провери дали телото е пронајдено или не.

-Ова е целосен хоро. Само Бог може да не спаси од оваа корона – рече една жителка на Гвајакил.