Во последниот натпревар од осминафиналето на Евро 2020, Украина во 120 минута постигна гол за триумф од 2:1 над Шведска и си закажа четвртфинална пресметка со Англија.
Херој на Украинците беше Артем Добвик кој првиот гол за својата репрезентација го постигна во последната минута од второто продолжение, откако средбата во регуларниот дел заврши нерешено 1:1.
Украина поведе во 27. минута преку Зинченко по асистенцијата на Јармоленко.
Примениот гол не ги обесхрабри Швеѓаните, тие продолжија со офанзивната игра и во 44. минута Форсберг со удар од работ на казнениот простор го совлада Бушчан. Во второто полувреме немаше голови, но не изостанаа шансите, Сидорчук се закани на едната страна, додека Форсрберг и Ларсон на другата страна по што натпреварот замина во продолженијата каде Добвик го постигна голот за Украина кој значеше пласман во четвртфиналето.
Украина во четвртфиналето, на 3. јули во Рим ќе игра против Англија.