Ибрахимовиќ вчера го имаше првиот тренинг со соиграчите во „Миланело“, но тренингот го напушти со болна гримаса откако се пожали на болки во ногата.

Одредени медиуми пренесоа дека најверојатно станува збор за повреда на Ахиловата тетива што речиси сигурно ќе значеше крај на кариерата на 38-годишниот Швеѓанец.

Денеска „росоњерите“ ги демантираа овие написи и објавија дека станува збор за повреда на мускулот на ногата.

„Златан Ибрахимовиќ во понеделникот пријави повреда на мускулот на десната нога, Ахиловата тетива не е оштетена. Фудбалерот за 10 дена повторно ќе биде прегледан“, стои во соопштението на Милан.

Златан Ибрахимовиќ во јануари годината пристигна во Милан и на 10 натпревари постигна четири гола.