Доаѓа истиот судија со кој го победивме Израел (ВИДЕО)

twitter.com/fcufa_en

Овој судија ни беше среќен во еден од квалификациските мечеви за учество на Мундијалот кој се одржа во Русија минатата година.

Загубивме несреќно од Полска, но селекторот Игор Ангеловски и неговите избраници се оптимисти дека можат повторно да се кренат и се врати позитивната атмосфера во редовите во нашата селекција.

Така, размислуваат и од таборот на Австрија, на последниот дуел ја совладаа Словенија минимално со 1:0 благодарение на погодокот на Гвидо Бургшталер во 74 минута од средбата.

Австрискиот селектор Франко Фода смета со истиот менталитет ќе настапат неговите играчи против македонската репрезентација.

– Македонците се флексибилни, го имаат еден од нивните најдобри играчи, Горан Пандев. Но, најважно е како ние ќе реагираме – вели Фода.

Главен судија на мечот ќе биде Алексеј Есков од Русија, ќе му помагаат неговите сонародници Д. Мосјакин, Д. Сафјан и В. Москалев. Есков ни судеше и во мундијалските квалификации за СП 2018, поточно на 2 септември 2017 година кога во Хаифа славевме со 0:1 преку Пандев кој стрелаше во 73 минута.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот