ДО МОРЕ СО БРЗА ЖЕЛЕЗНИЦА? „Сакаме во проектот да ги вклучиме Македонија и Грција“ - Слободен печат
ВестиЕкономија

ДО МОРЕ СО БРЗА ЖЕЛЕЗНИЦА? „Сакаме во проектот да ги вклучиме Македонија и Грција“

Српската вицепремиерка рече дека очекува Северна Македонија и Грција да покажат интерес, и покрај внатрешните проблеми што ги имаат.

Изградбата на брза пруга од Белград до Будимпешта е најголемиот инфраструктурен проект во овој дел од Европа.

– Финансиите се најголемиот предизвик, со оглед дека нејзината вредност преку Србија е близу две милијарди долари, од вкупно четири милијарди – изјави српскиот заменик-премиер и министер за градежништво, транспорт и инфраструктура, проф. д-р Зорана Михајловиќ.

Таа истакна дека утре во Белград ќе се одржи трилатерален министерски состанок на Србија, Кина и Унгарија, на кој главна тема ќе биде реализацијата на овој значаен проект.

– Од српска страна, сè се одвива според планот, изградбата на двете делници од Белград-Стара Пазова и од Стара Пазова до Нови Сад. Следната година ќе започне со изградба третата делница од Нови Сад до Суботица. Утре ќе се разговараа за вклучување на уште две држави – Северна Македонија и Грција во овој проект, кој е дел од глобалната иницијатива „Појас и пат“ – рече таа.

Вицепремиерката додаде дека Србија покажа дека може да се задржи на договорената динамика, особено кога железнички услуги се во прашање, и дека од оваа година ќе се реконструираат 700 километри пруга. Таа, исто така, рече дека очекува Северна Македонија и Грција да покажат интерес, и покрај внатрешните проблеми што ги имаат.

– Србија е политички и финансиски стабилна, со најголемата странска инвестиција, па во наш интерес е Северна Македонија и Грција се приклучат во овој проект, бидејќи тоа не е доволно што имаме, брза пруга само од Белград до Будимпешта, туку сакаме да го поврземе целиот коридор – рече таа.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Еден коментар

  1. Како Македонија ќе се вклопи во овој проект, кога моментално се вози со 12км. на час и пак вагоните испаѓаат од пругата?

Напишете коментар

Вашата адреса за е-пошта нема да биде објавена. Задолжителните полиња се означени со *

Close