Дневен преглед на состојбата со Ковид-19 во светот

epa08402769 Homeless people wearing protective face masks stage a sit-in in front of the town hall to protest against the closure of a temporary facility for homeless people in Piazza d'Armi square, in Turin, northern Italy, 05 May 2020, on the second day of phase two of the coronavirus emergency. Italy entered the second phase of its coronavirus emergency on 04 May with the start of the gradual relaxation of the lockdown measures that have been in force for 55 days. Turin's Deputy Mayor said that 'the aggregation of a large number of problematic subjects in confined spaces was highly critical also from the point of view of public order and it was not even possible to avoid the risk of gatherings'. EPA-EFE/ALESSANDRO DI MARCO

Според најновите податоци, во светот со новиот коронавирус досега се заразиле 5.360.982 лица. Од нив починале 341.830, а оздравеле 2.187.422 луѓе.

– Во изминатите 24 часа во Србија почина едно лице од новиот коронавирус, а потврдени се нови 68 заразени случаи.

–  Во последното деноноќие, во Албанија, од направени 200 тестови на сомнителни случаи, позитивен резултат е добиен кај осум лица, што е за четири случаи помалку во споредба со вчера. Вкупниот број заразени изнесува 989, од нив 79 отсто или 783 се излекувани, а починале 31 лице. Повеќе од три недели не е регистрирано починато лице од Ковид-19, што според епидемиолозите претставува индикатор за стабилната
епидемиолшка состојба со вирусот.

– Во изминатите 24 часа во Хрватска не е регистриран ниту еден нов случај на зараза со коронавирус, соопшти Националниот штаб за цивилна заштита. Вкупно во земјата починаа 99 лица, шест луѓе моментно се на респираторни машини, додека 121 се на болничко лекување.

– Во Шведска во последните 24 часа од коронавирус починаа уште 67 луѓе, што е најголем дневен број на смртни случаи од 18 април досега, а новозаразени се 379 лица. Вкупниот број на починати во таа земја, во која не беа воведени рестриктивни мерки, достигна 3.992, а регистрирани се 33.188 заразени луѓе.

– Шпанија повторно ќе ги отвори границите за странски туристи од јули, најави премиерот Педро Санчез, додавајќи дека Владата ќе ја гарантира безбедноста на посетителите и локалното население по блокадата на земјата поради Ковид-19.

– Кина планира да ги ограничи меѓународните летови до октомври како мерка за заштита од новиот коронавирус.

– Најмалку 40 лица биле позитивни на тестовите за коронавирус откако претходно присуствувале на миса во баптистичка црква во германскиот град Франкфурт.

– Седумдесет и седум годишна жена е прва жртва на новиот коронавирус во Појасот газа. Таа починала во монтажна болница во близина на границата откако допатувала од Египет. Властите во тоа подрачје досега потврдиле 55 случаи на заразени со Ковид-19.

– Во Црна Гора денеска не е пријавен ниту еден нов случај на коронавирус. Од почетокот на епидемијата во оваа земја вкупно се заразени 324 лица, а оздравени се 314.

– Унгарија е една од првите земји која го доби јапонскиот лек „Авиган” за лекување на пациенти заразени со коронавирус, изјави министерот за надворешни работи Петер Сијарто. Тој најави дека во земјата ќе се спроведат нови клинички испитувања на овој лек, чија активна состојка е фавипиравир, а кој е регистриран во Јапонија.

– Министерството за здравство на Грција соопшти дека во изминатото деноноќие починале две лица, а биле регистрирани само три нови случаи на Ковид-19. Од почетокот на епидемијата, биле направени 152.998 тестови, заразени се вкупно 2.876, а починати 171 лице.

– Првпат од почетокот на епидемијата, на Кипар денеска не е регистриран ниту еден нов случај на Ковид-19, од анализирани 2.414 примероци во изминатите 24 часа, со што бројот на заразени, остана ист како вчера 927 лица.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот