Овен

Никогаш не е добра помисла да се вратите на старата љубов, особено доколку не ви одело и не сте имале заеднички цели. Понекогаш луѓето се менуваат, но тоа кај вас не е случајот. Непријатно ви е на пријателите да им кажете што искрено мислите за нив, затоа е најдобро да го премолчите тоа што го имате на ум.

Бик

Без оглед на тоа дали на работа ви е здодевно или не, не е поволен момент за ризични работи и никако не би било добро потенцијалните партнери да видат знаци на неуспех. Имате потреба од разговор, сакате бакнежи и прегратки, да се чувствувате сакани и да сакате, но тоа е потешко да се оствари отколку што сте мислеле.

Близнаци

Не сте во можност да смените некои околности на работа што ви пречат, доколку сакате, можете низ разговор да им напоменете на претпоставените. Минатото е конечно зад вас, подготвени сте за нови победи и некои нови авантури. Можете конечно да кажете дека сте среќни и задоволни. На повидок е нова љубов.

Рак

Ги заборавате своите обврски, но не грижете се, тука се шефовите и другите колеги, кои постојано ќе ве потсетуваат што треба да работите. Само еден поглед и само еден топол и искрен збор може да ви го поправи расположението. Но денес тоа е толку тешко да го добиете. Не сакате кога луѓето се премногу амбициозни.

Лав

Очекувајте промени и тоа големи. Доаѓате во контакт со нови луѓе, чии совети ќе ве воодушеват. Ќе научите многу нови работи за кои не сте знаеле ни дека постојат. Сите обврски што сте ги планирале за денес одложете ги, не се чувствувате добро. Не прикривајте ги своите симптоми, туку побарајте помош од лекар.

Девица

Не ви е потребна причина за некому да помогнете, тоа правете го зошто и понатаму имате доверба во луѓето и сметате дека еден ден добрите дела ќе бидат наградени. Немојте да ги откривате своите тајни сѐ додека и другата личност не открие барем некоја од своите. Одете чекор по чекор.

Вага

Комуникативни сте и секогаш добро расположени, тоа е добра комбинација за успех. Доколку и своето практично знаење го доведете на едно погорно ниво, успехот ќе ви биде загарантиран. Некои ваши пријатели се однесуваат надмено и поради тоа правите сѐ што можете за да ги гледате сѐ поретко.

Скорпија

Без потреба ги комплицирате дискусиите на работа и тие само се пролонгираат, наместо со заеднички сили да најдете решение за моменталниот проблем. Расположението често ви се менува, а тука не можете многу да влијаете. Би било добро кога секој ден смирено би се соочувале со сите проблеми. Не избувнувајте.

Стрелец

Сѐ што е брзо е и кратко, во таа изрека сте се увериле повеќепати, но и понатаму имате навика да ги избрзате своите одлуки од време на време. Немате ни малку волја да се занимавате, ниту да ги решавате туѓите проблеми. Секој треба сам да ги исправи работите што ги згрешил. Со партнерот ќе решите еден голем проблем.

Јарец

Можеби вие мислите дека сте во право, но вашите резултати не го покажуваат тоа. Не сте горди на некои свои постапки и затоа ќе мора нешто да смените. Држете се до она што го имате. Доколку барате премногу би можело да ви се случи да останете без ништо. Имате високи цели, понекогаш претерувате.

Водолија

Не дозволувајте си да се инаетите пред шефовите, со тоа ќе покажете дека сте неодговорна личност и дека бегате од работните обврски. Не знаете веќе што да правите со себеси, но тоа и понатаму не ви дава за право да ги иритирате и нервирате сите околу себе. Би било подобро да најдете некоја разонода.

Риби

Ќе се разбудите со голема главоболка и ќе се прашувате како ќе функционирате денес. Со голем напор ќе успеете некако да ги извршите денешните обврски, ќе можете да се концентрирате на работата. Ве очекува мирен и сталожен ден во попладневните часови кога ќе имате прилика да се прошетате на свеж воздух.