Овен

Денес, вашата искреност ќе ве внесе во некоја непријатна ситуација со некои луѓе, но од друга страна ќе ви создаде нераскинливи врски со други. Нервозни сте и изморени од работата и тогаш најмногу правите грешки, опуштете се малку. Во љубовната врска мора да се прикажете такви какви што навистина сте. Не глумете.

Бик

Ќе ви одговара да поминувате време со саканата личност и да отпатувате некаде. За да ги завршите сите проекти навреме, ќе ви биде важно да се организирате, но и да се договорате со колегите и со нив да направите планови. Семејството ќе биде извор на сила и поддршка ако вашите љубовни чувства правилно ги насочувате.

Близнаци

Ќе треба да го вложите слободното време во средување на домот. Најверојатно ќе имате неочекувани гости попладнево. Иако изгледа дека ќе мора да ги одложите сите ваши денешни планови поради ова, вие ќе уживате во таа посета. Во љубовта сè е одлично, затоа слободно посветете му се на партнерот во вечерните часови.

Рак

Денес ќе се занимавате со мисла дали да се впуштите во нешто позначајно со личноста што ја среќавате во работната средина. Работите за кои се бара емоционален ангажман добро се поставени. Ќе се оптоварувате со работа. Ќе влијаете на настани, луѓе и работа повеќе отколку што мислите. Не сте свесни колку ве имитираат.

Лав

Денес ви е потребен пријател на кого можете да му верувате. Споделете ги емоциите кои веќе подолго време ги чувате во себе и ќе се чувствувате многу подобро. Вие никогаш не сте успеале да ги задржите за себе и целосно да ги потиснете чувствата, па и сега ослободете се од напнатоста без оглед на она што ќе следува.

Девица

Денес ќе успеете да се договорите за сѐ, бидејќи нема да бидете тврдоглави, а другата страна ќе има поопуштен став. Ќе бидете способни да реагирате брзо и тактично. Ќе успевате да помогнете и да читате меѓу редови таму каде што не може никој друг. Имате неверојатна моќ и талент да го направите она што другите не можат.

Вага

Внесете малку повеќе мотивација во работата која ја извршувате. Потребно е вашите соработници да согледаат што вие, всушност, сакате. Парите редовно ќе ви пристигнуваат, а тоа за вас е многу важно. Повеќе ве интересира материјалното, отколку емоциите. Емотивната врска ќе ви донесе големи страсти, но и конфликти.

Скорпија

Денес, соберете ги сите сили и останете продуктивни. Не откажувајте се од трговијата, склопувањето договори и другите активности. Знаете што сакате и јасно се стремите кон целта, иако со вас многумина не се сложуваат. Новите деловни потези се придружени со ново вложување. Ризикувајте, па ќе заработите.

Стрелец

Ќе се чувствувате посамоуверено и ќе бидете горди на својот успех. Ќе бидете интуитивни и елоквентни. Долгите работни часови конечно почнуваат да ви се исплаќаат. Денес на најдобар начин ќе ја презентирате вашата одлична идеја и слободно ќе можете да го грабнете мегафонот за сите да ги слушнат вашите размислувања.

Јарец

Обидете се да направите сѐ што е можно кога станува збор за новата работа, без оглед на тоа што мислите дека никако не можете да излезете од моменталниот ќор-сокак. Запомнете, без разлика колку бавно напредувате и колку грешки правите, секогаш ќе бидете чекор напред од оние кои воопшто не се обидуваат да мрднат од место.

Водолија

Не треба претерано да се возбудувате ако некој ве провоцира за ново работно место или за односот со колегите на работа. Некој ќе ви подаде рака за помирување. Ќе имате проблеми во комуникацијата со некој кој претходно бил многу искрен и фер. Посегнете по тоа што го сакате, без разлика колку застрашувачки изгледа.

Риби

Вашите зборови ќе бидат музика за туѓите уши. Ќе бидете љубезни, позитивни, нежни, така што не треба да се грижите, не постои опасност да повредите некого. Ова е одличен ден за јавни говори, презентации и настапи. Одличната комуникација со другите ќе ви донесе таен обожавател, од кој ќе бидете многу изненадени.