Овен
Денес некој ќе ви каже „не“, но не треба да го сфатите тоа како да дошол крајот на светот. Не се задоволувајте со негативен одговор кога барате нешто, туку убедете ги луѓето да го променат својот одговор. Само така ќе бидете успешна личност. Емотивноста не треба да одигра улога во вашиот ден. Бидете господар на сопствените чувства.

Бик
Ќе откриете некои вистини за вашите блиски, кои нема лесно да ги прифатите, но за кои ќе мора да разговарате. Ќе имате многу обврски, па најдобро би било да ги сортирате по приоритет. Ве очекува динамична атмосфера во љубовта, од која може да се создадат кавги, но не ги сфаќајте работите премногу сериозно. Ќе ги решите проблемите.

Близнаци
Вие сте решени да си ги остварите соништата, а таквото ваше однесување ќе создаде вистинска магија околу вас. Ќе постигнувате високи цели, ќе чекорите со крената глава и со леснотија ќе ги прескокнувате препреките. Среќата е избор, кој вие со задоволство ќе го правите. Ако ги раширите крилјата ќе пронајдете лесен начин за решавање на некој проблем.

Рак
Денес ќе бидете многу одлучни и ќе се справите со грижите на одличен начин. Ќе се приспособите на атмосферата и ќе бидете позитивно расположени. Разговорите кои ќе ги имате ќе ви бидат од корист за во иднина. Љубовниот живот ќе ви донесе големо задоволство и ќе чувствувате потреба да го правите она што срцето ви го вели.

Лав
Денес можно е ненамерно да ја повредите саканата личност, обидувајќи се да ѝ помогнете. Можеби е подобро да им дозволите на блиските да паднат, а потоа самите да се исправат, посилни отсекогаш. Не им подавајте рака секогаш. Ако сте сингл, врската со личност од ваша близина не е толку невина како што вам ви изгледа.

Девица
Ќе бидете во центарот на вниманието и нема да ви претставува проблем да ги убедите луѓето во нешто. Избегнувајте драматични дискусии кои може да ви ја исцрпат енергијата. Логичниот начин на размислување ќе ве одведе во вистинска насока, а љубовниот живот ќе ви биде во добра состојба. Искажете ги чувствата и мислите на понежен начин.

Вага
Наместо да жалите цел ден што не сте направиле нешто како што треба или сте направиле пропуст, надминете го ова и продолжете понатаму. Човечки е да се греши, така што и вие не сте имуни на ова. Запомнете за следниот пат. Во контакт со една личност, премногу ќе потенцирате што ви е вам важно и нема да сакате да се усогласите со неа.

Скорпија
Нема причина да се грижите дали сте задоцниле за некои работи. Луѓето со кои соработувате имаат разбирање, бидејќи гледаат со колку работа сте затрупани. Сепак, ова ќе остави горчлив вкус во вашата уста, бидејќи не ви се допаѓа кога не ги исполнувате своите обврски навреме. Добра комуникација со партнерот, но мали шанси дека ќе се видите.

Стрелец
Вашата трпеливост е мошне разнишана денес, а се чини дека сите решиле да ја тестираат. Можеби е подобро да се повлечете малку и да се „разладите“ за да не се создаде проблем со соработниците или колегите во еден момент. Нетрпеливост и во емотивните односи – особено ако партнерот потенцира по стоти пат на нешто што вам не ви е важно.

Јарец
Добро сте расположени и не ги сфаќате сериозно некои забелешки или однесувања од страна на луѓе со кои блиско соработувате тесно. Знаете што ви е важно да направите и ќе се обидете да ја завршите својата работа навреме, а другите нека се снаоѓаат како што знаат и умеат. За вас е важно да има разбирање и хармонија во односот со саканата личност.

Водолија
Одолговлекувате со некои обврски затоа што не сте доволно фокусирани ниту концентрирани кон работата. Премногу добро сте расположени за да имате некои посебни желби за да истражувате во деловните проблеми. Она што го чекате е средба со партнерот, затоа што ви треба романтика и копнеете по неа. Ќе се топите од нежности.

Риби
Ќе бидете склони да проповедате и да држите предавања и на оние кои се подготвени да ве слушаат и на оние кои не се. Важно ви е да го кажете тоа што го имате. Би било добро кога не би функционирале на овој начин во односот со партнерот, бидејќи тоа брзо ќе ве врати на вашето место. Наместо празните приказни, покажете ги своите чувства.