ДКСК: Во изминативе 12 месеци се одржани повеќе од 100 состаноци со граѓани

ДКСК и во изминатиот период покажа решителност и непристрасност во постапувањето по предметите, стои во соопштението.

Државната комисија за спречување на корупцијата при постапувањето по конкретни предмети поднесени од физички лица, користи редовна практика да одржува состаноци по барање на подносителот или по сопствено наоѓање со цел да се допрецизираат или појаснат наводите, односно сомнежите изразени од подносителот. Во изминативе 12 месеци се одржани повеќе од 100 состаноци со граѓани  без оглед на нивната функција и место во општеството, информираат од ДКСК.

Податоците и информациите што се добиваат од овие состаноци, посочуваат од ДКСК, комисијата ги користи во своето постапување, а конечните резултати ги соопштува на јавни седници.

– Како и досега, ДКСК во своето постапување ќе се раководи од начелата на законитост, праведност и интегритет, без  оглед на тоа кој е подносител и против кој е поднесена пријавата и  ќе се води по принципот на еднаков третман на сите предмети, без исклучок, се вели во соопштението од ДКСК.

ДКСК, стои во соопштението, и во изминатиот период покажа решителност и непристрасност во постапувањето по предметите. Ваквиот проактивен пристап на работење на Комисијата посебно е забележан и во последниот работен документ на Европската Комисија, во кој е истакната важноста ДКСК да продолжи со постапувањата по предмети со наводи за непотизам.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот