Дискусија: „Превенција или реакција: улогата на општините при намалување на ризици од несреќи и катастрофи”

Од Центарот за управување со кризи (ЦУК) информираа за силен и голем град во Општина Лозово и дека во Тетово некои улици, одредени подвозници и пониските дворови беа речиси целосно поплавени, како и подрумите и приземјата на повеќе куќи. Дожд имаше и во Скопско.

Институтот за демократија „Социетас Цивилис” – Скопје денеска организира дискусија на тема „Превенција или реакција: улогата на општините при намалување на ризици од несреќи и катастрофи” посветена на локалните капацитети за управување со кризи во Република Северна Македонија. Конференцијата ќе се одржи онлајн на платформата ЗУМ.

-Целта на овој настан е да се отвори дискусија за идните планови, активности и потребните инвестиции за зајакнување на отпорноста и управувањето со кризи на општините по одржувањето на локалните избори во октомври; локалните системи за управување со кризи; можностите за соработка и меѓусебна поддршка на различните актери во овој домен, како и да се претстави процесот на изработка на локални стратешки планови за намалување на ризици од несреќи и катастрофи на осум избрани единици на локалната самоуправа, велат од Институтот за демократија.

Настанот ќе го отворат амбасадорката на Обединето Кралство во Северна Македонија, Рејчел Галовеј, Марко Трошановски, претседател на ИДСЦС и Миша Поповиќ, раководител на Центарот за добро управување при ИДСЦС.

Ќе учествуваат и извршната директорка на ЗЕЛС, градоначалниците на осумте општини со кои е остварена соработка на проектот, градоначалници на останатите заинтересирани општини, како и директорите/раководителите на осумте плански региони.

Дискусијата се организира како дел од проектот „Подобрен капацитет за управување со кризи на општините во Северна Македонија”, што Институтот ја спроведува со поддршка од Обединетото Кралство, преку Британската амбасада во Скопје. Проектот има за цел да го зајакне стратешкото управување со кризи во осумте општини и да го прикаже процесот на развој на локални стратешки планови за намалување на ризици од несреќи и катастрофи.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот