Ули Хенес пред да си замине од претседателската функција во фудбалскиот гигант Баерн Минхен, сака во кошаркарскиот клуб да го приклучи легендарниот Германец, Дирк Новицки кој летово ја заврши кариерата. Се шпелулира дека Новицки би можел да добие едно од челните места во кошаркарскиот тим.
– Доколку изрази желба да работи во Германија, тогаш мораме да пронајдеме начин да се договориме – вели Хенес.

Откако летово се пензионира од кошарката, Новицки кој целата кариера ја помина во НБА лигата во Далас Маверикс, изјави дека би сакал да остане во кошарката, како тренер или како менаџер на некој клуб. Освен Баерн,  и од Далас маверикс најавија дека се подготвени да му понудат функција на Новицки.

Сепак, Хенес напомена дека пристигнувањето на Новицки во Баерн нема да се случи веднаш туку за неколку години.
– Мислам дека прво треба добро да одмори од кошарката – додаде Хенес.