Директорот на Ролан Гарос, Ги Форже, не сака да му случи „Адриа тур“ каде дури четворица тенисери беа позитивни на коронавирус, Новак Ѓоковиќ, Григор Димитров, Виктор Троицки и Борна Чориќ како и уште тројца тренери.

– Можеби некои луѓе на таму имаа премногу самодоверба. За среќа, никој не заврши со посериозни последици но и неколку случаи на коронавирус се премногу. Сакане да го избегнеме тоа и не смееме да ги повториме нивнинте грешки. Доколку некој се зарази, тоа ќе биде погубно за нас и затоа мора да бидеме внимателни – вели Форже.

Иако се преземаат сите мерки за заштита, организаторот на Ролан Гарос ќе дозволи навивачи на трибините. Форже очекува во првата недела на комплексот во Ролан Гарос да има вкупно 20.000 посети дневно, додека во завршницата таа бројка би се намалила на 10.000 бидејќи натпреварите ќе се играат само на неколку терени. .

– Гледаме фудбал преку телевизија и тоа е ОК, но сепак нешто недостасува. Ги следиме сите препораки на властите за да обезбедиме услови за присуство на публиката – додава Форже.

Ролан Гарос е закажан да се одржи од 20 септември до 4 октомври.