Директорот на граничната полиција на БиХ: Границата ни е шуплива како швајцарско сирење
Директорот на Граничната полиција на БиХ, Зоран Галиќ изјави дека границата на БиХ е „шуплива како швајцарско сирење“, пренесува порталот klix.ba, и дека немаат доволно кадар за нејзино обезбедување во екот на мигрантската криза. Кадровското пополнување, според него, истовремено станало невозможна мисија поради „опструкции од Сараево“.
Тој додаде дека кога станува збор за раководење со босански кадри, посто притисок да не се чепкаат тие луѓе.
– Иако нè има премногу и се судираме по ходници, би требало да има прераспределба и некои да бидат пратени на граница, Но, тоа засега е невозможна мисија. Еве и зошто. Со тоа би се укинале некои позиции, некои шефови, некои високи функционери. Не, нема да бидат укинати места, туку нема да бидат во Сараево и нема да јадат баклава и да се шетаат по Башчаршија, туку ќе имаат работа и ќе бидат на граница. А, ние затоа и сме формирани, да одиме да ја штитиме државната граница“, изјави Галиќ за локалната АТВ.