Извршниот директор на американскиот фармацевтски гигант „Фајзер“, Алберт Бурла (60) соопшти дека е позитивен на тестот за ковид по вторпат во последните два месеца.

– Се чувствувам добро и немам никакви симптоми, рече Бурла.

Во август Бурла за првпат имаше ковид и почна да го пие лекот против болеста „Паксловид”, развиен од неговата компанија.

Тој примил четири дози од вакцината против ковид развиена од „Фајзер“ и германскиот партнер „Бионтек“.

Бурла рече дека сè уште не го примил новиот бивалентен бустер.

– Не примив бивалентен бустер, ги следев упатствата на американскиот Центар за контрола и превенција на болести (ЦДЦ) да чекам три месеци, бидејќи претходно имав ковид во средината на август, објасни Бурла.

Таканаречените бивалентни дози, развиени од „Модерна“ и тимовите на „Фајзер“ и „Бионтек“, се насочени кон подваријантите БА.5 и БА.4 на сојот „Омикрон“ на вирусот, кои во моментов се одговорни за 84,8 отсто од инфекциите со коронавирус во САД.