Директорот на белоруското КГБ тврди: Западот подготвува воен напад на Белорусија

Иван Тертел (лево) и Александар Лукашенко (десно) Колаж: СП. / Фото: ЕПА

Одредени кругови на Запад размислуваат за употреба на сила како начин за промена на владата во Белорусија, рече денеска директорот на Белорускиот комитет за безбедност (КГБ), Иван Тертел, објави новинската агенција БЕЛТА.

 Кругот на луѓе на Запад што донесува одлуки разгледува различни опции за промена на владата во Белорусија, како неопходен услов за постигнување на нивната геополитичка цел во Источна Европа. Тие не ја исклучуваат употребата на воена сила – изјави Тертел за време на разговорите со претседателот Александар Лукашенко.

 

„Западот и членовите на белоруската опозиција кои ја напуштија земјата планираат да ги интензивираат своите активности во септември и октомври или првата половина на следната година, под изговор дека животниот стандард на белорускиот народ е намален поради санкциите”, нагласи Тертел.

Видео на денот