Пратеникот од редовите на ВМРО-ДПМНЕ Илија Димовски, запрашан од каде добил доверлива информација за количината на кокаинот запленет пред два дена во меѓународна акција во која учествуваше и Министерството за внатрешни работи, тврди дека не е точно оти тој прв ја објавил информацијата, туку дека тоа го сториле медиумите, а тој само ја преземал информацијата на својот Твитер профил.
– Не сум објавил прв. Видов на телевизија и така ја добив информацијата па го напишав „твитот“ – ни рече Димовски.
Димовски побрза да ја доведе акцијата за заплената на кокаинот во корелација со тоа што техничкиот министер за внатрешни работи Наќе Чулев е од неговата партија. Подоцна се испостави дека количината на кокаинот пронајдена во магацин во Крушопек, не била 1.300 килограми.